Domingo, 03 de Agosto de 2008
                         
Isa é a decisión adoptada polo Rosalía este verán: silencio. Poucos podiamos pensar que isto ía ser así cando se anunciou a bombo e platillo a estrea da páxina web oficial do clube a finais da tempada pasada. Fume, puro fume. A web (que debe ser, ante todo, un medio para manter informado constantemente o afeccionado) aínda non se actualizou nin unha sola vez dende a súa flamante estrea oficial. E así pasamos o verán, sin unha nova, sin nada que dicir, sen fichaxes, nin novas, nin... nin nada de nada. Tan só a web de Solobasket e algúns foros de internet (ACB ou en menor medida de Inferno Azul) permitíronnos saber das novas fichaxes xa pechadas (ou teóricamente así ) de dous homes, por outra banda e sendo realistas, pouco ilusionantes de cara a tempada que ven: Nana Harding e Jordi Vallmajó. Nin fichaxes, nin outra cousa. Do tema Oleson, que mantivo a atención da afección centrada todo o verán, enterámonos a través do representante do xogador e do presidente de Fuenlabrada, a través do Correo Galego ou, unha vez máis, Solobasket, o primeiro lugar a onde un acude para saber se hai novas do Rosalía, e non, coma debería ser, a web-fantasma que o clube mantén dende Xuño. Só cando se anunciou un teórico contrato de Brad co clube de ACB, o Rosalía sacou un escueto comunicado informando de case nada. O venres pasado chegaba a primeira convocatoria aos medios realizada polo clube en TODO o verán. O motivo era dar a coñecer a continuación de Beirasar coma patrocinador principal do clube, e como non podía ser de outro modo, non se dixo nin contestou a ningunha pregunta do ámbito deportivo, salvo a insistencia (que para servidor comeza a ser preocupante) sobre que Oleson estará en Santiago o día 11, algo que, case todos sabemos, non ocurrirá. E evidentemente, non direi eu que non sexa un tema importante, e que sí, que os patrocinadores hai que mimalos, e máis co momento actual. Pero a ausencia continuada de noticias, a invisibilidade total do equipo (e por ende, do patrocinador) por outra banda, non parece o mellor feito de facelo.
E o silencio seguirá, probablemente, ata que comece a pretempada. ¿Que pretende o clube con este silencio?. Coma digo arriba, as súas razóns terán, indudablemente... pero servidor non as comprende, nin moito, nin pouco, e non é o único (xa o xoves pasado Bermudez, na Cadena Ser, criticaba o clube por esto, e nos foros antes citados pódese ver un evidente enfado). Un comprende a confidencialidade das neociacións, pero non que, unha vez pechadas, non se den a coñecer. Tampouco comprende que non haxa ningunha pronunciación sobre o caso Oleson. Pero, sobretodo, non comprende como é que o Rosalía esté disposto a deixar pasar unha posibilidade de ouro, a de enganchar, definitivamente, o público compostelán. Falo dese público que comezou a ir o basket a finais da pasada tempada, aumentando notablemente a asistencia. Ese público, non habitual, pero susceptible de engancharse o basket, o Rosalía e a LEB, seguramente saiu do pabillón pensando na posibilidade de facerense socios a vindeira tempada. Pero, claro, tres meses de invisibilidade non axudan a facelo. A diferencia doutros clubes da cidade (coma Lobelle ou Cidade de Santiago, que cando non hai novas, as crean para manter a súa, sinto repetirme, visibilidade constante, coma deben facer), o Rosalía apostou este verán polo secretismo, pola falta de transparencia, por tomar unha distancia cada vez maior co seu público. Un erro importante, tal vez non aparentemente grave, e certo, por outra banda, que tras varios anos de magnífica xestión, pero un erro que se pode pagar caro cada venres cando, no Sar, volvamos a ser os de sempre. Os que, cando non hai novas, as buscamos, e rebuscamos. E este ano... nin por esas as podemos encontrar.

Publicado por fibergran @ 14:07  | B. Rosalía > Máis
Comentarios (2)  | Enviar
Comentarios
tienes toda la razón. lo de la página web es de vergüenza, y el secretismo entorno a la confección de la plantilla simplemente ridículo. la verdad es que la imagen que dan de car al aficionado es de dsidia total.

que me puedes decir de pat carroll?
Publicado por molisse
Luns, 04 de Agosto de 2008 | 8:21
De Pat Carroll he escrito justito después de tu mensaje (no lo leí hasta ahora) un artículo. Espero que guste.
Publicado por fibergran
Martes, 05 de Agosto de 2008 | 2:29